పాలరాతి కోటలో గాజుబొమ్మ కధ ఇది

జలతారు పరదాల చాటున దాగిన మనిషిని నేనట

పసివన్నె పయ్యెద మాటున ఒదిగిన మనసు నాదట

మా వనమున తిరుగుతున్న తుమ్మెదలు, తూనీగలు

నా చెంతకు చేరుకున్న వేళ నాకు చెలికత్తెలు

సోయగమున సౌగంధము వెదజల్లే కుసుమాలు

నా సొగసుతో చెలిమి చేయు వేళ నాకు నేస్తాలు

పసిడి పంజరాన నేనున్నా చిలుకలా…

ఊహలతో తాకుతాను నింగిని కిలకిలా…

అలసిపోయి రాలుతాను నేలను చినుకులా…

ఆశలతో సాగుతాను పచ్చని చిగురులా…

ఎన్నినాళ్ళు ఈ వేదన - రేపటికై ఆరాధన

ఎంతవరకు ఈ రోదన - చెప్పలేని ఆవేదన

నా స్వయంవరమున పూలమాల వరించే వాడు ఎవ్వడో వాడెవ్వడో

నా హృదయస్వరమును ఆలకించి ముక్తినిచ్చేవాడు ఎక్కడో వాడెక్కడో

- శ్రీనివాస స్వీయరచన