శ్రీ పద్మ : లేఖిని లాంటి మరో ఉపకరణం
రాసినవారు శ్రీనివాస on Monday, 20 of August , 2007 at 2:02 pm
అప్పుడెప్పుడో తెలుగు బ్లాగు గుంపులో లేఖినిలో ఆటోసేవ్ గురించి చర్చ జరిగింది కదా. ఆనాడు వచ్చిన ఆలోచనల ప్రతిరూపమే శ్రీ పద్మ. ఫైర్ఫాక్స్ యొక్క పద్మ ఏడ్-ఆన్ పాత సంచికను కొంచెం మార్చి దీనిలో ఉపయోగించాను.
దీని వలన ముఖ్య ఉపయోగం ఏమిటంటే మీరు టైపు చేస్తున్న దానిని 6 అక్షరాల ఆంగ్లపదమేదైనా సంకేతపదంగా ఇచ్చి ఆటోసేవ్ చేసుకోవచ్చు. పొరపాటున విహరిణిని మూసివేసినా లేదా విద్యుచ్చక్తిలో అంతరాయం వచ్చినా తర్వాత మీ విహరిణికి మీరు ముందిచ్చిన సంకేత పదం తెలిపి మీరు టైప్ చేసుకున్న వచనాన్ని తిరిగి పొందవచ్చు. దీనిని నేను IE , Firefox లలో పరీక్షించి చూసాను. ఇది ఒక విధంగా చెప్పాలంటే శ్రీ పద్మ = లేఖిని + ఆటోసేవ్ 
. మీరు టైపు చేసే పెట్టెలు చిన్నవిగా ఉన్నాయని అనుకోకండి. మీరు టైపు చేసేకొద్దీ మీ టెక్స్ట్కి తగ్గట్టు అవీ పెద్దవవుతూంటాయి.
లంకె: http://harivillu.org/sripadma
వర్గములు: సాంకేతికం
- ఈ టపాను వీటికి జతచేయండి
- Del.icio.us -
- Meneame -
- Digg
Anonymous యొక్క అభిప్రాయము
Made Tuesday, 21 of August , 2007 at 12:35 pm
చాలా బాగుంది.
నా అభిప్రాయాలు:
సంకేత పదాన్ని “charasala, charasa12 etc ఇస్తే తీసుకోలేదు. పక్కనే ఓ చిన్న సమాచారం లంకె ఇచ్చి సంకేతపద పరిమితులేమిటో చెబితే బాగుంటుండి. అయినా ఆరు అక్షరాల నిబంధన ఏమిటి?
ఒకే సంకేత పదాన్ని ఇద్దరు ఎన్నుకుంటే ఏమవుతుంది?
వాఖ్యానాల పేజీ తెరుచుకోవటం లేదు.
–ప్రసాద్
http://blog.charasala.com
శ్రీనివాసరాజు దాట్ల యొక్క అభిప్రాయము
Made Tuesday, 21 of August , 2007 at 12:59 pm
ప్రసాద్ గారూ
- నిన్న ఈ జాబుని పోస్ట్ చేసినప్పుడు ఏదో పొరపాటు జరిగింది. లంకెలు పనిచేయలేదు. తర్వాత మళ్ళీ పోస్ట్ చేసాను. ఇప్పుడు పనిచేస్తున్నాయి.
- 6 అక్షరాల నిబంధన ఊరికే పెట్టాను. తర్వాత మార్చేస్తాను.
- సర్వర్లో ఒక Unique ID తో ఫైల్ తయారయి దాని పేరుతో పాటు మీరిచ్చే సంకేతపదం బ్రౌజర్లో (కుకీస్లో) నిక్షిప్తమౌతాయి. AJAX ద్వారా ఎప్పటికప్పుడు మీ text సర్వర్లో save అవుతుంది. మీరు తర్వాత మీరు ఇంతకు ముందు సూచించిన సంకేత పదం ఇస్తేనే ఆ ఫైలు మీ బ్రౌజర్లోకి లోడ్ అవుతుంది. కాబట్టి మీ సంకేతపదం మీ బ్రౌజర్ వరకే పరిమితం.
ఇంకా ఏమైనా సూచనలు ???
రవి వైజాసత్య యొక్క అభిప్రాయము
Made Tuesday, 21 of August , 2007 at 9:28 pm
నాకు పుడింగి బాగా నచ్చింది. మీరు సహాయం చెయ్యండి ఇంకా నిర్మాణములో ఉన్నట్టుంది కదా!.
పేరు: శ్రీనివాసరాజు దాట్ల వృత్తి: 'పోకిరి' సినిమాలో బ్రహ్మానందం చేస్తాడే అది :) స్వస్థలం: వైశాఖపట్టణం నివాసం: సౌభాగ్యనగరం