అందమె ఆనందం కాదు సుమా!
రాసినవారు శ్రీనివాస on Sunday, 20 of January , 2008 at 11:28 am
అందమె ఆనందం అని అంటారు. ముఖ్యంగా ఎవరినన్నా అందమైన ఆడవారిని చూసినప్పుడు ఈ మాట గుర్తుకొస్తుంది. నేనూ ఇలానే అనుకునేవాడిని. కొన్ని సార్లు ఏ టీవీలోనో, సినిమాలోనో అందాలను చూసి దాసోహమైన క్షణాలూ ఉన్నాయి. ఒకసారి ఈ టపాలో స్నేహితుడి మనసులో మాటకి తన అభిప్రాయంగా అమ్మాయిలో చూడాల్సింది వ్యక్తిత్వం, అత్మాభిమానం అని జేప్స్ అనుకుంట రాసారు. అప్పుడు నేను ఇలా సినిమా కబుర్లు చెప్పేవారు తమ ఇళ్ళల్లో పూల మొక్కలకు బదులు బ్రహ్మజెముడు, తుమ్మ చెట్లను పెంచుకుంటారేమోనని సరదాగా అనుకున్నాను. ఏదైనా అనుభవమైతే గానీ విషయం ఒంటబట్టని నాలాంటి వాళ్లకి కాలమే తాయితీగా సమాధానం చెబుతుంటుంది. చెప్పేసింది కూడా.
మనకు పరిచయం కాని వారిని మనం చూసినప్పుడు ముందుగా వాళ్ల రూపం మన మీద ప్రభావం చూపుతుంది. అది సహజాతమైనదని నేననుకుంటాను. వాళ్లతో పరిచయ భాగ్యం కలిగి కాస్త చనువు పెరిగిన తర్వాత గానీ వాళ్ళేంటో మనకు తెలియదు. అప్పుడు మాత్రమే మనం ఓ మామూలు రూపంలో ఒదిగిన అనూహ్య మానసిక సౌందర్యాన్ని చూడగలం (వీళ్ళు మన వ్యక్తిగత జీవితంలో ఒక భాగమైతే ఎంత బాగుండునో అనిపిస్తుంది), అప్పుడు మాత్రమే ఓ కోమలిలో దాగిన కాఠిన్య హృదయాన్నో లేదా పసిడి వన్నెచాటున పొంచి ఉన్న నీలినీడలనో చూడగలం (వీళ్ల గురించి అసలు ఆలోచించకూడదనిపిస్తుంది).
మంచుపొర అడ్డు ఉన్నన్నాళ్ళూ కళ్ళ ముందు ఉన్నది ఎడారో.. పూలవనమో.. సంద్రమో.. తెలియదు కదా! ఇదీ అంతే.
చివరిమాట: ఇంతకు ముందు నేను రాసిన నిజసౌందర్యం ఊహించి రాసింది; కానీ ఇది మాత్రం అనుభవైక వేద్యమైనదే.
వర్గములు: స్వగతం
- ఈ టపాను వీటికి జతచేయండి
- Del.icio.us -
- Meneame -
- Digg
radhika యొక్క అభిప్రాయము
Made Sunday, 20 of January , 2008 at 2:37 pm
మీకు కలిగిన అనుభవం ఏమిటో చెపుతారని ఎదూచూసాను.కాస్త నిరాశ కలిగించింది ఈ టపా.
వరప్రసాద్ యొక్క అభిప్రాయము
Made Sunday, 20 of January , 2008 at 3:24 pm
ఇంతకీ మీ అనుభవం ఏంటి? దాని గురించి ఎక్కడ?
రాజేంద్ర కుమార్ దేవరపల్లి యొక్క అభిప్రాయము
Made Sunday, 20 of January , 2008 at 4:54 pm
అమ్మయ్య మీలో కవి ఇన్నాళ్ళకు క్యాపు దులిపి పెన్ను దూశాడు.బాగా కప్పి చెప్పారు.శతాబ్దాల తరబడి ఈ ముందు ఇంప్రెషన్ చర్చ జరుగుతుంది.తాత్కాలిక పరిచయాల్లో,ప్రయాణాలు,పెళ్ళిళ్ళ వంటి వా్టిల్లో ఎదురయ్యే మంచుతెరలతోనే ఈభ్రమల బాధలూ,వ్యాధులూ,మంచుతెరలు కొంచెం సేపే ఉంటాయి,ఆకాసేపు ఓపిగ్గా వేచిచూడటమే మనిషి ఎదుగుతున్నాడు అనేందుకు నిదర్శనం.
ప్రవీణ్ గార్లపాటి యొక్క అభిప్రాయము
Made Sunday, 20 of January , 2008 at 10:17 pm
ఏందబ్బాయ్ ??
ఆ కథేంటో చెప్పరాదూ 
నవీన్ గార్ల యొక్క అభిప్రాయము
Made Monday, 21 of January , 2008 at 2:33 am
ఇంతకు ముందు కూడా ఇలాంటి టపాకే ఈ లింకు సమాధానంగా ఇచ్చాను.
అవును..ఎవల్యూషనరీ సైకాలజీ ప్రొఫెసర్లు ఇటువంటి ప్రశ్నలకు ఎంతో చక్కగా సమాధానం ఇచ్చారు.
budaraju aswin యొక్క అభిప్రాయము
Made Monday, 21 of January , 2008 at 7:15 am
కధ కమీషు లో కధ ఇక్కడ ఉంది కాని కమీషేది ???
శ్రీనివాస యొక్క అభిప్రాయము
Made Monday, 21 of January , 2008 at 10:19 pm
మిమ్మల్ని ఈ టపా నిరాశ కలిగించి ఉంటే మన్నించండి. నా అనుభూతిని, అభిప్రాయాన్ని చెప్పాలనుకున్నాను. ఇంత కన్నా ఎక్కువ రాస్తే ఇక్కడ బాగోదు కదండీ.
పేరు: శ్రీనివాసరాజు దాట్ల వృత్తి: 'పోకిరి' సినిమాలో బ్రహ్మానందం చేస్తాడే అది :) స్వస్థలం: వైశాఖపట్టణం నివాసం: సౌభాగ్యనగరం